ZIP file kya hai ? Files ko zip aur unzip kaise kare jane Hindi me

ZIP files ko unzip kaise kare: Dosto, agar aap computer ya smartphone use karte hai to aapka saamna zip file se jarur huwa hoga. Kahi bar, email attachment me, kahi bar internet se file download karte samai ya kisi aur computer ya laptop se file apne computer me transfer karte samai Istarah ke file aapko dekhne ko jarur milte hai. Zip file types aajkal jyada se jyada use hone wale file type hai. Aur, iska istemal aapko jarur se pata hona chahiye.

So, is post me hum janenge ke zip file kya hai aur kisi bhi file ko zip aur unzip kaise kare. Zip file banana or use open karne ka tarika wese to bohot hi simple hai. But, computer aur mobile me ye tarika alag alag hote hai.

Is post se hum kya sikhenge –

Zipped document files kya hai
Files ko zip kaise banaye
Zip file ko unzip kaise kare

To chaliye, niche hum sabhi details jaan le step by step.

Also read – Computer par typing speed kaise badaye

Zip file type kya hota hai ?

Ek zip file dusre archive file ki tarah hote hai jaha aap ek ya ek se jyada files, folders, images, videos ya koi bhi document ko ek single file me convert kar sakte hai.

Zipped files downloading, transfer jese chizo ke liye bohot faidemant hota hai. Kyuki, jab 100 files ko aap ek single file me convert ya compress karoge, to wo kisi aur ko bhejne me ya kisi aur se receive karne me aapko bohot aasani hoga.

Iske aalawa, files ko zip karne se aap sabhi files ke size ko bhi chota bana sakte hai. For example, agar ek software ya file ki size bohot jyada hai, to aap use zip files me compress kar uske size ko chota bana sakte hai. Isse, websites par upload karte samai ya kisi website se zip file download karte samai aapko jyada samai nahi lagega. Isiliye, internet se softwares, Games ya movies download karte samai aapko jyada se jyada zipped files milte hai.

Iske alawa, zip files me chizo ko compress kar aap apne computer ya smartphone ke storage size ko bhi bacah sakte hai. Kyuki, compress karne par aap bare files ko kuch had tak chota bana sakte hai.

So, agar aapko 100 images, 100 videos ya 100 software ek sath bhejna ho to aap simply unhe zip me compress kar sakte hai. Isse, aapko har file ko alag alag kar bhejna ya upload nahi karna hoga. Aap, simply sare files ko ek single zipped file me convert kar unhe ek bar me hi bhej sakte hai.

Aur, jabbhi aapko kisi zipped file ko unzip karna ho, aap simply unhe unzip kar file ko open kar sakte hai. Files ko unzip karne ke baad unhe aapne hisab se dusre folder me copy, move, send ya delete kar sakte hai.

So, aapko ye pata chal gaya hoga ke zipped document kya hai. Ab, niche hum kisi bhi document ko zip file me convert kaise kare iske bareme janenge. Iske baad, computer me zipped file kholne ka tarika bhi hum sikhenge.

Zip file banane ka tarika kya hai ?

Agar aap apne computer se kuch files, images, videos ya software ko ek single zipped file me convert karna chahte hai, to aap esa bilkul kar sakte hai. Iske liye aap niche diye steps ko follow kare.

Step 1:

In steps par hum do videos ko ek single zip me convert karenge. Wese, aap chahe to koi bhi aur kitne bhi file types chun sakte hai zip me convert karne ke liye.

Sabse pehle aap apne computer se files ko chun le. Yane, jin files ko zip me convert karna hai unhe select kar le. Files ko select karne ke baad, right click button click kare jisse aapko “send to” ka ek option dikhega.

Send to ke option par click karne par aapko kuch aur naye options dikhenge. Dikh rahe naye options mese aap simply, “Compressed (Zipped) folder” ke option ko chune.

Compressed (zipped) folder ke option par click karne ke baad aapke chune huwe files, videos ya documents single zipped file me convert ho jayenge. To, aap is tarike ka istemal kar apne computer se files ko zip file me badal sakte hai.

Chaliye, ab hum zip file open karne ka tarika bhi niche jaan le.

ZIP file ko unzip kaise kare ?

Agar aapne hal hi me koi zip document ya files internet se download ki hai, to use aap directly chala ya install nahi kar sakte. Jesa ke mene pehle hi kaha tha, zip archive ek esi file hai jiske andar sare original files maujud rehte hai.

So, agar aapko apne zip archive me maujud files ya documents ko open ya install karna hai to pehle zip archive file ko kholna hoga. Aur, zip ko open karne ke is tarike ko “extract” kehte hai.

Zip files extract karne par aapke zip archize me maujud sare files, images, videos ya setup files simple original file me show ho jayenge.

Isse, aap apne download kiye huwe zip files se software ya games ke setup files install kar sakte hai. He na simple. To, chaliye ab hum zip archive ko kholne ka tarika jaan le.

Open any zipped archive file

Apne computer se zipped archive files ko unzip karne ke liye aap niche diye steps ko follow kare.

Step 1:

Sabse pehle aap zipped document ko select kare jise unzip karna hai. Uske bad, aap ziped file par right click kare. Right click karne par aapko kuch options dikhenge. Aapko dikh rahe options mese “Extract all” ke option par click kare.

Step 2:

Extract all par click karne par aapko ek option dikhega jaha aapko apna extract location / destination chunna hoga. Yane, aapko computer par extract location chunna hoga jaha aap apne extract huwe files ko save karna chahte hai.

File extract location chunne ke baad, aap niche “Extract” ke button par click kare.

Congratulations, extract ke button par click karne ke baad aapka zip file extract ho kar khul jayega. Ab, aapne computer ke jis location / drive ya folder ko aapne zip file ka extract destination / location chuna tha, waha aapko apna unzipped folder dikh jayega.

Ab, aap apne unzip huwe zip file ke folder ko open kar uske sare files ko khol sakte hai. He na, computer me zip file ko kholne ka tarika simple.

Note:

Agar aap apne Android mobile se zip files open karna chahte hai, tab aap automatically files ko open kar payenge. Kyuki, ajkal k android mobiles par inbuilt zip extractor rehte hai. Isse, simply zip file ko click / tap karne se hi aapko uske andar ke sare files show ho jate hai.

But, agar aap apne android mobile se zipped documents ko khol nahi pa rahe, to simply Google Play Store se Win rar for android application download aur install kar le.

Is win rar application se aap apne android mobile se kisi bhi zipped file ko open kar sakte hai.