Mobile me processor kya hota hai ? konsa processor best hai

Aajkal hum jyadatar apne dosto se ya relatives ke mu se sunte rehte he ki “mere smartphone me 2 GHz ka processor hai”. Ya, mere mobile ka processor dual core, octa core ya quad core ka hai. So, tab shayad aapko bhi ye lagta hoga ke ye mobile me processor hota kya hai aur iska kaam kya hai. Aur, isse bhi jaruri hai k aapko kis tarah ka processor wala mobile kharidna chahiye. Aur agar, aap ek new smartphone kharidne jaa rahe ho to, aapko pehle mobile ke processor ke bareme jarur se jan lena chahiye. What is mobile processor ? Smartphone processor details in Hindi.

Mobile processor details in Hindi

Mobile processor kya hai ? Smartphone processor details in Hindi

Jaise computer aur laptop me cpu ko kam karne k liye aur chijo ko chalane k liye ek processor ki jarurat hoti hai, thik wese hi smartphones me bhi har chote bare kam ko karne k liye uske system ko ek processor ki jarurat hoti hai. Simply kahe to ye aapke mobile me brain ki tarah hoti hai. Aur, mobile me sare kaam isise mumkin hota hai.

Also read –

• PUBG mobile kya hai ? Ye game kaise khele
• JIO mobile se free live tv kaise dekhe ?
• Android mobile ko computer jaisa banaye 

Processor aapke mobile me har chote bare kaam ko jese, video chalana, games khelna, editing karna ya online internet par kaam karna is tarah ke prakriya ya kaam ko mobile me chalane me ya process karne me kaam karta hai.

Aur, isiliye agar aap ek acha processor wala smartphone kharidenge to aap ye sare kaam mobile par bina lag ya bina phone hang huwe hi kar sakenge.

Jitna acha aur fast aapke mobile ka processor hoga utna hi fast aur smooth tarike se aap mobile me kaam kar sakenge ya games khel sakenge.

Phone lag ya hang hona, phone heat ya garam hona, jyada battery khana ye sab phone ke processor se hi jura huwa mudda hai.

Mobile ke liye processors darasal 4 bade companies hi manufacture karte hai.

• Qualcom/snapdragon
• Mediatek
• Samsung/Exynos
• Nvidia

Aur, alag alag smartphone companies in alag alag companies ke processors apne brand ya product me use karte hai.

Ye bhi pade –

• Mobile me wifi hotspot kya hota hai ?
• USB OTG cable kya hai ?
• Android phone ki screen record kare

Konsa mobile processor best aur acha hai ?

Jesa k mene pehle hi kaha hai, mobile kharidne se pehle aap sabse pehle ye dekhe k usme laga huwa processor konsa hai, uski speed kitni hai aur kitne cores ki hai.

Kyuki, hamesha hota ye hai k hum bina processor ki jankari ke mobile kharid lete hai aur baad me phone lag ya hanging problems face karte hai. Nahi games khel pate hai aur nahi use acha se use kar pate hai.

So, bina hanging ya lagging problem k agar aap apne smartphone ko use karna chahte hai, uspe high graphic games, pubg khelna chahte hai aur HD videos chalana chahte hai to iska ek hi solution hai. “Mobile kharidtte wakht Processor konsa hai uspe dhyan de“.

But, agar aapko processors ke bareme koi idea hi na ho to ? to aap kaise chunenge k mobile me konsa processor acha hota hai ?

Tension na le,,,

Iske liye me hun na. Niche me aapko Smartphone me laga huwa processor acha hai ya nahi ye kaise jane iske liye me aapko 4 tips ya niam bataunga.

Also read – Smartphone kharidne se pehle 7 baton ka rakkhe dhyan 

Kaise jane smartphone me laga huwa processor acha hai ya nahi ?

Agar aapke mobile me octa core processor laga huwa hai aur aapke dost me mobile me dual core ya quad core processor laga huwa hai to kya iska matlab aapke phone ka processor dost ke phone se acha hai ??

Yes, han par hamesha nahi.

Aapke aur mere jaise 90% log yahi sochte hai k dual core processor se behtar quad core processor hota hai aur isi tarah quad core se behtar hexa core aur hexa core se behtar octa core hota hai.

Han, ye sahi hai but humesha aap processor ko cores ke upar acha ya bura nahi keh sakte. Aur bhi bohot se chize hai jinke upar ek acha processor nirvar (depend) karta hai.

1. Processor ke cores me dhyan de

Dekhiye, ek processor me ek core ek hath (hand) ki tarah hota hai. Jitne jyada cores utne hi jyada hathon ki shakti processor me hoti hai.

Yane, processor me jyada cores honge to wo jyada shakti se kaam kar pata hai. Isse, mobile me heating problem nahi hogi, hang ya lag nahi hoga aur processor me jyada takat hone k karan aap multi tasking, HD gaming, Online video streaming jese chije fast aur smooth tarike se kar sakte hai.

So, agar aapke mobile ke processor me jyada cores hai (quad core, hexa core ya octa core) to wo aapke mobile ke liye jarur faidemant sabit hoga.

Note – Mobile processors alag alag cores me aate hai. Jitna jyada core utna hi jyada acha aapka processor.

• Dual core – 2 cores.
• Quad core – 4 cores.
• Hexa core – 6 cores.
• Octa core – 8 cores.

2. Processor Architecture

Jesa k mene pehle hi kaha tha k aap sirf jyada cores ke upar processor acha kaam karega ya nahi ye decide nahi kar sakte. Aapko bohot se aur chizo k upar bhi dhyan dena hota hai.

Aur, inhi aur chizo me ek hai processors ke architecture ya design. Han, design aur architecture yane processor kis tarah se bana huwa hai uska size aur design kaisa hai ye sab bhi aapko dekhna parta hai agar aap ek fast aur behtar mobile processor chahte hai. Mainly aapko dekhna hota hai k processor latest model ka aur latest design ka hai ya nahi.

Behtar design ya architecture ke processors ke bareme aap smartphone k packet me hi dekh kar jaan sakte hai. Ya, aap jis smartphone ko kharidna chahte hai uske model number ko internet par search kar uske processor ke bareme jaankari paa sakte hai.

Dhyan rakhiyega, latest architecture aur design wale processors ko aap cortex number se jaan sakte hai. Aapko phone ke processor details me cortex A 53 ya cortex A57 jese kuch numbers dikhenge. Jitna jyada cortex ka number hoga utna hi behtar architecture wala aapke mobile ka processor hoga.

Simply, CPU details ya processor details me ye jarur dekhe ke ARM cortex A53, A57 hai ya nahi. Ye dono hi latest processor architecture models hai. Agar isse jyada cortex model ho to wo hamesha behtar hoga.

Aur, kisi bhi mobile ke processor (CPU) architecture model ko aap internet par search kar jaan sakte hai.

3. Processor Technology

Har electronic chiz ki tarah mobile processors ki bhi technology improve hoti rehti hai. Aur jab baat aati hai processors ki technology ki tab ek chiz hume humesha dhyan me rakhna chahiye.

Wo hai, transistors ki. Ji han, aajkal ke mobile processors me chote se chote nano transistors hone lag gaye hai. Transistors wo hote hai jo processors ke circuit me chote chote microchips lage huwe rehte hai.

Ye microchips yane transistors behtar technology ke sath sath aur bhi chote ya nano hote ja rahe hai. Jitne chote ye transistors honge utne hi jyada speedy, efficiency aur kam battery khane wala processor sabit hoga.

Filhal to, samsung/exynos company sabse chote nano microchips wale processors banate hai jo ke 14 nano miters ka hota hai.

Uske baad, Qualcom/snapdragon banata hai 20 nano miters ka. Aur,

Mediatek banata hai 26 ya 28 nano miters ke microchip wale processors.

So, technology ke hisab se dekha jaye to Samsung/exynos sabse latest technology ke transistor wale processors banate hai jisse aapke mobile me battery ka istemal kam se kam hoga aur mobile fast aur smooth kaam karega.

To, agar aap jyada battery backup dene wala, fast aur efficient mobile kharidna chahte hai to ye jarur dekh le k aap jo smartphone kharidne ja rahe hai usme konse company ka processor laga huwa hai. Samsung, qualcom ya mediatek.

4. Processor frequency jaruri hai

Agar aap ek fast aur acha processor chahte hai to sirf Architecture, number of cores ya technology dekhne se baat nahi banegi. Aapko processor frequency ke upar bhi dhyan dena hoga.

Ji han, processor frequency jise hum clock speed bhi kehte hai. Isi clock speed ke upar processor koi kaam karna shuru karta hai aur use apne speed ke hisab se chalata ya khatam karta hai.

Clock speed ko Gigahertz (GHz) ke upar measure kiya jata hai. Jitna jyada GHz ka processor hoga utna hi jyada fast aapka processor kaam karega.

Smartphones ke liye 1.5 GHz se legar 2GHz ya usse jyada ka clock speed wala processor fast aur behtar sabit hota hai.

But, sirf clock speed (GHz) jyada hone se kuch nahi hoga. Aapko upar ke points bhi dhyan me rakh kar processor chunna hoga.

Finally, agar aap ek acha processor wala smartphone dhund rahe ho jo fast kaam kare, lag ya hang na ho, jyada battery ka istemal na kare aur aapko multi tasking me smooth experience de to aapko 4 chizo ko dhyan me rakhna hoga.

1. Behtar aur jyada core wale processors. (quad core / octa core).
2. Architecture ka dhyan. Latest hona chahiye cortex A53 ya Cortex A57.
3. Technology me dhyan. Samsung sabse chote transistor wale processors banate hai aur uske baad Qualcom.
4. Frequency ko sabse akhir me dekhe aur ho sake to 1.5 GHz se GHz ya usse jyada frequency wala processor chune.

To dosto, asha karta hun ke me aap logo ko Mobile me processor kya hai, konsa processor accha hai ya best hai aur lag free fast mobile ke liye konsa processor mobile me hona chahiye in sabhi baton ko ache se samjha paya hun.